ל"ג בעומר, שיחה בעת הפאראד, שיחה א

בס"ד. שיחת ל"ג בעומר בעת ה"פאראד", ה'תש"כ.

א. ל"ג בעומר איז דאך א טאג וואס איז ספעציעל פארבונדן מיט קינדער, וועל איך רעדן בעיקר - אין אן אופן - און וואס איז שייכות צו קינדער, אזוי ווי אבער יעדערער פון אונז געדיינקט דאך זיכער די צייט ווען ער איז אויך געווען אין די יארן - פון קינדער יארן, און האט זיכער גוטע ערירערונגען און זכרונות פון דעמולט, האף איך אז דאס וועט אויכעט צוניצקומען און האבן א שייכות אפילו צו די וואס אין יארן זיינען זיי שוין ארויס פון קינדער יארן, ובפרט נאך אז יעדער ענין פון תורה האט דאך א מיינונג און אן אינהאלט פאר אלעמען אומאפהענגיק אין וואס פאר א משל און אין וואס פאר א ווערטער מ'גיט דאס ארויס צי פאר קינדער צי פאר עלטערע.

און דער אויבערשטער זאל העלפן אז אפילו אט די וואס לויט די ניארן זיינען זיי שוין ארויס פון קינדער און יוגנט, זאל בא זיי באנייט ווערן די ענערגיע, מיטן לעבנס-קראפט, מיטן ווילן, אז זיי זאלן טאן פון איצט אן און ווייטער, אין אלע ענינים פון אידישדייט, פון תורה און מצוות מיט יוגנט-קראפט, און מיט דעם שטארקן ווילן, און התלהבות און התפעלות פון חיות, פון קינדער וואס האלטן אין בויען זייער לעבן, און וואס זיי זיינען דאך דער עתיד - דער צוקומפט פון דעם גאנצן אידישן פאלק אין אייניגע יארן ארום.

הנחה בלתי מוגה, קריאת מכונה