Sefer HaSichos (the Rebbe)
לשון הברכה שאמר כ"ק אדמו"ר שליט"א
1אחרי הפ"נ כללי, ערב ראש השנה, ה'תשמ"ט
א. דער אויבערשטער זאָל ממלא זיין הבטחתו בתורתו הקדושה, „ואברכה מברכיך"א, כל המברך מתברךב, בברכתו של הקב"ה, וואָס תוספתו מרובה על העיקרג.
און נאָכמער (פון דעם וואָס איז מפורש בתורה) — וואָרום זינט דער אויבערשטער האָט מבטיח געווען בתורתו „ואברכה מברכיך" זיינען דורכגעגאַנגען אַזויפיל יאָרן, און דער אויבערשטער איז דאָך זיכער מוסיף ומעלה בקודש אין אַלע עניניםד, עאכו"כ אין ברכות פאַר יעדער אידן און פאַר אַלע אידן.
ובפשטות — אַז דער אויבערשטער זאָל ממלא זיין משאלות לבבם לטובה, אין די אַלע ענינים וואָס די חתומים כאן (בהפ"נ כללי) בעטן און ווינטשן, כולל — אַז דאָס זאָל אַלץ מקויים ווערן באַ זיי אַליין („ואברכה מברכיך"ה), בתוך כלל ישראל,
וכל זה — מידו המלאה הפתוחה הקדושה והרחבהו, ובאופן פון „מרובה על העיקר", ובזה גופא — אַ הוספה כמה פעמים ככה (וויבאַלד ס'איז שטענדיק „מעלין בקודש"), כנ"ל, ביז — אַ ברכה אין אַן אופן פון „עד בלי די"ז, למעלה מכל מדידה והגבלה.
און די ברכה קומט אַראָפּ ביז למטה ממש, בגשמיות העולם. ואדרבה, וויבאַלד אַז דוקא בתחתונים ווערט אַ דירה לו יתברךח — איז דעריבער די ברכה „מידו המלאה הפתוחה הקדושה והרחבה" למטה בתחתונים שלא בערך מער ווי אין די עולמות עליוניםט.
ב. בכל הנ"ל קומט צו נאָכמער הוספה מצד דעם וואָס מ'געפינט זיך אין ימי סגולה:
אין חודש אלול, ווען דער אויבערשטער איז ווי אַ „מלך בשדה"י, און אין אלול גופא — בימי הסליחות, ובימי הסליחות גופא — לאחרי ווי מ'האָט שוין געזאָגט (אין סליחות) זיבן מאָליא „לך הוי' הצדקה"יב.
און דערצו — אין ערב ראש השנה, ווען תורת אמת איז מעיד אַז „אומה זו" (אידן) זיינען „לובשים לבנים ומתעט־2פים לבנים" וואָרום מ'ווייס זיכער אַז מ'האָט שוין זוכה געווען בדיןיג.
און דערנאָך גייט מען אַריין גלייך אין ראש השנה, ווען דער אויבערשטער בעט זיך כביכול „תמליכוני עליכם"יד, אַז יעדער איד און אַלע אידן זאָלן אים מכתיר זיין אַלס „מלך ישראל"טו און „מלך על כל הארץ"טז.
איז דאָך זיכער, אַז אין אַזוינע ימי סגולה, זיינען די ברכות של הקב"ה כמה פעמים ככה ובאופן נעלה יותר, ביז שלא בערך, לגבי ווי בשאר ימי השנה.
ובפרט אַז כל הנ"ל איז אין אַ סיום פון שנת הקהל און שנת תשמח ותשמח, און מ'איז ממשיך דעם „הקהל" און „תשמח" ו"תשמח" אין שנת תשמ"ט — אין אַן אופן פון „תשמט ידיך"יז — אַז דער אויבערשטער איז משמט אַלע חובות (אויך — חובות דקדושה) פון אידן, און איז ממלא אַלע ענינים, ומתוך שמחה וטוב לבב, וועלכע איז פורץ אַלע גדריםיח.
ג. נוסף צו צדקת הקב"ה („לך הוי' הצדקה") וואָס ווערט נמשך במיוחד בימים אלו מצד עצמם — האָט דאָך זיכער יעדערער צוגעגעבן אין צדקה, כולל ובמיוחד — צדקה באופן של קביעות, אַז מ'מאַכט פון יעדע אידישע הויז אַ בית של צדקה, דורך דעם וואָס מ'קלאַפּט און בויט אַריין אין שטוב אַ צדקה פּושקע, אין אַן אופן אַז דאָס ווערט (ע"פ הלכה) אַ חלק פון דעם בנין, וואָס דורך דעם ווערט די גאַנצע הויז אַ בית של צדקה (ווי גערעדט פריער בפרטיות ובארוכהיט).
וואָס דורך דעם ווערט ניתוסף נאָכמער אין דער צדקה פון דעם אויבערשטן, „לך הוי' הצדקה", (מדה כנגד מדהכ) ביתר שאת וביתר עוז.
ביז צו דער צדקה העיקרית פאַר כל אחד ואחת מישראל, בתוך כלל ישראל, און כולל כל הדורות כולם — עס זאָל זיין אַ שנת גאולה האמיתית והשלימה ע"י משיח צדקנו במהרה בימינו ממש, ולא עכבן אפילו כהרף עיןכא.
ד. אין דעם קומט צו נאָך אַ מעלה — אַז די חתומים אין דעם צעטל (הפ"נ כללי) זיינען כמה עשיריות מישראל, וואָס „אכל בי עשרה שכינתא שריא"כב [ומובן, אַז בשעת ס'איז דאָ כמה וכמה פעמים עשרה איז אויך די השראת השכינה כמה פעמים ככה],
וואָס דאָס איז אפילו ווען „אינם מדברים בדברי תורה" (ווי דער אַלטער רבי זאָגט אין אגה"קכג), ועאכו"כ אַז מ'איז בשעת מעשה מקיים תומ"צ, אָנהויבנדיק פון דעם ענין פון „שויתי ה' לנגדי תמיד"כד, ווי דער בעש"ט איז דאָס3מבאר בצוואת הריב"ש בתחלתוכה [וואָס הגם „לא ידעו לכוין הלשון על מתכונתו", איז „המכוון הוא אמת לאמיתו"כו],
און דערנאָך איז דאָס איבערגעגעבן געוואָרן דורך דעם מגיד, און אָנגעקומען צו דעם אַלטן רבי'ן, דעם מיטעלן רבי'ן, דעם צמח צדק, דעם רבי'ן מהר"ש, דעם רבי'ן (מהורש"ב) נ"ע, און לנשיא דורנו כ"ק מו"ח אדמו"ר,
וואָס דורך דעם ווערט נתגלה דער „אור שבעת הימים"כז (פון רבותינו נשיאינו) למטה ממש, ותיכף ומיד ממש, נאָך אין די לעצטע טעג פון גלות,
און מתוך שמחה פון תשמח און הקהל, נאָך פאַר שנה הבאה — טאַנצט מען גלייך אַריין אין דעם המשך בזמן ומקום, און דערנאָך — גלייך אין שנה הבאה, ובאופן פון „ילכו מחיל אל חיל", ביז „יראה אל אלקים בציון"כח,
Suggest a fixSent for review
Report a problemNo account needed
Embed on another site
About this page
Details
- Volume
- ה'תשמ"ט, חלק א
- Id
- rh-asj5909b