Addenda - sichos 2

א. אַזוי ווי „מפקחין^א על צרכי ציבור^ב בשבת", אפילו צרכי ציבור פון כמה ימים וזמן לאחרי השבת — איז כאן המקום והזמן להודיע וועגן דעם תענית שעות^ג וואָס „אגודת הרבנים" האָט קובע געווען אויף ערב ראש חודש סיון, צוליב דעם מצב בעולם בכלל, ובפרט אין ארץ הקודש, וואָס ס'איז דאָ (אויך) אַן „עוצו עצה" און „דברו דבר"^ד, און מ'דאַרף אָנקומען צו „ותופר" און „ולא יקום"^ד.

און ע"ד ווי מ'זאָגט בנוגע צו ערב שבת און ערב יו"ט — אַז דער „ערב" איז אַ הכנה צו די עניני שבת ויו"ט, אַז זיי זאָלן זיין בשלימות, בתכלית השלימות — עד"ז איז בנוגע צו ערב ראש חודש, אַז דעמולט דאַרף מען מכין זיין צו ראש חודש.

איז (אויך) אַלס איינע פון די הכנות^ה צו ראש חודש סיון, אַז אַלע ענינים אין אים זאָלן זיין בטוב ובשלימות, איז פועל דער תענית שעות בער"ח סיון.

ב. איז מען איצטער מודיע אַז מ'וועט זיך מצטרף זיין צו דעם תענית שעות, ובפרט אַז זינט זיי (אגוה"ר) האָבן געמאַכט די הכרזה וועגן דעם, זיינען י, מבח"ח סיון ה'תש"מ.

צוגעקומען נאָך זאַכן שאינם רצויים, שאין כאן המקום לדבר עליהם.

און מסתמא וועלן זיך צו דעם מצטרף זיין די אַלע וואָס געפינען זיך דאָ, און אויך — איבערגעבן אידן וואָס געפינען זיך בכל מקום שידם מגעת.

און די וואָס קענען ניט פאַסטן — זאָלן פודה זיין דעם תענית מיט ממון, „וחטאך^ו בצדקה פרוק"^ז.

וי"ל עוד בזה — ע"ד המדובר כמ"פ^ח בנוגע צו לימוד התורה, חלוקת הש"ס^ט וחלוקת המשניות — אַז אויב איינער קען אַליין ניט מסיים זיין גאַנץ ש"ס, און עס זיינען זיך אין דערויף מצטרף כמה וכמה, וואָס כל אחד נעמט איין חלק, ווערט גערעכנט ווי יעדערער פון זיי האָט מסיים געווען די גאַנצע זאַך,

ע"ד ווי דער דין איז בהלכות שבת^י אַז אַ מלאכה וואָס „זה אינו יכול וזה אינו יכול" און זיי האָבן דאָס אָפּגעטאָן צוזאַמען, ווערט דאָס פאַרעכנט פאַר יעדערן אַז ער האָט געטאָן די גאַנצע זאַך^יא.

ג. דעם תענית שעות האָט „אגודת הרבנים" אויך מקשר געווען מיט אמירת243כמה קאַפּיטלעך תהלים^יב, ווי זיי האָבן מפרסם געווען אין זייער מודעה און בריוו.

און מסתמא וועט מען דאָס פאַרבינדן (אַזוי ווי בכמה ענינים פון תומ"צ) אויך מיט צדקה, הוספה בצדקה — ובפרט אַז דאָס קומט בקשר צו דער הוספה בתפלה (בקשות בנוגע להמצב וכו') אין יענעם טאָג — איז דאָך „יהיב פרוטה לעני והדר מצלי"^יג;

און אויך מקשר זיין דאָס מיט (אַ הוספה אין) לימוד התורה.

ד. ויה"ר אַז עס זאָל זיין ווי עס שטייט אין שו"ע^יד בנוגע לענין זה, אַז גלייך ווען מ'איז מחליט וועגן דעם תענית, נאָך איידער ס'איז דאָ דער תענית בפועל, איז דאָס (ההחלטה) שוין פועל פעולתה ובטוב הנראה והנגלה.