Addenda - sichos 1

א. בקשר מיט דער ס"ת וואָס מ'שרייבט איצטער במיוחד פאַר קינדער פאַר בר־מצוה און בת־מצוה — האָט מען פריער גערעדט אַז דאָס האָט אַ קשר מיוחד מיט נשי ובנות ישראל, און ווי מ'וועט רעדן בעז"ה מאָרגן בארוכה בזה, דאָס איז אָבער אויך שייך צו אנשים, כפשוט.

און די ס"ת האָט אין זיך נאָך אַן ענין מיוחד, אַז דאָס פאַרבינדט אַלע אידישע קינדער וואו זיי זאָלן נאָר זיין — צוזאַמען, ניט קוקנדיק אויף מקומו — סיי ער געפינט זיך מאחורי מסך הברזל, סיי ער געפינט זיך במקום אחר — איז ער גלייך און פאַראייניגט מיט אַלע קינדער.

ב. יעדער זאַך וויל מען דאָך פאַרבינדן מיט אַ פועל, אין גשמיות^א, און בעניננו — מיט אַ פאַרברענגען^ב, און באַ חסידים פאַרבינדט מען מיט אַ חסידישן פאַרברענגען, און ווי כ"ק מו"ח אדמו"ר ברענגט^ג פון דעם אַלטן רבי'ן וועגן דער „פתקא אשר משמי שמיא נחיתא כו'" אין דעם אויפטו פון אַ חסידישן פאַרברענגען, אַז דאָס וואָס עס קען אויפטאָן אַ חסידישער פאַרברענגען קען מלאך מיכאל ניט אויפטאָן — איז אין אַ שטאָט מאחורי מסך הברזל געווען לעצטן'ס אַ חסידישער פאַרברענגען, מען האָט מקיים געווען אַלע דריי ענינים פון תורה, תפלה און צדקה, און מ'האָט גערעדט וועגן דער ס"ת הנ"ל, און בכלל וועגן אידן וואָס געפינען זיך במקומות אחרים,

— דעם פאַרברענגען האָבן זיי געמאַכט ניט קוקנדיק אויף דער מיצר אין וועלכן זיי געפינען זיך, ובפרט בזמן האחרון —

און איצטער איז אָנגעקומען פון דער משקה פון יענעם פאַרברענגען, און מען האָט מצרף געווען פון איר (בהתחלת התוועדות זו) צו דעם כוס, און דאָ שטייט אַ פלעשל מיט דער משקה.

וועט מען דערפון אויך געבן פאַר כאו"א וואָס געפינט זיך דאָ, כדי די אַלע זאָלן זיך מצטרף זיין — געבן דורך איינעם וואָס פאַרנעמט זיך מיט מלמד זיין נגלה און חסידות, און ער דערליינגט דעם יין לקידוש — ער וועט צו דעם צוגעבן נאָך משקה (בכדי עס זאָל זיין פאַר אַלעמען) און עס אויסטיילן צו די וואָס געפינען זיך דאָ, און נאָך שבת — אויך צו די וואָס געפינען זיך במקומות אחרים, און (ועיקר) אפילו די וואָס וועלן דערפון ניט טרינקען בפועל, קענען זיי זיך צו דעם מצטרף זיין במחשבתם^ד,

240און דורך דערויף וועט ווערן אַ התאחדות פון אַלע אידן, די אידן וואָס געפינען זיך מאחורי מסך הברזל און די אידן וואָס געפינען זיך דאָ און די אידן וואָס געפינען זיך בכל העולם כולו^ה.

ג. ויה"ר אַז דער מסך הברזל זאָל אַראָפּגענומען ווערן, וואָס דאָס איז דער מיצר הגלות^ו, און אין דעם מיצר גופא איז די אידן וואָס געפינען זיך בל' העולם „מאחורי מסך הברזל" — געפינען זיך אין אַ מיצר לפנים ממיצר (וואָס באמת איז ניט שייך אויף דעם זאָגן „פנים", נאָר — אין אַ מיצר וועלכער האָט אַ מיצר מחוצה לו) — זאָל דאָס בטל ווערן,

און אויך דער וואָס האָט זיך משתדל געווען אין אָפּדרוקן דעם תניא אין אַ העתקה באחד משבעים לשון, וואָס ער געפינט זיך במיצר — זאָל ער דערפון אויסגעלייזט ווערן,

און אַלע אידן וואָס געפינען זיך במיצר זאָלן פון דאָרטן אַרויסקומען בקרוב ממש, בחסד וברחמים.

ד. והשי"ת ימלא משאלות לבבם פון כאו"א, און אפילו די וואָס אויף זיי איז ניט שייך זאָגן משאלות לבבם, מיט צוויי בי"ת'ן, באַ זיי איז נאָר שייך צו זאָגן „לב" מיט איין בי"ת, פנימיות הלב^ז, דערפאַר וואָס זיי ווייסן ניט וואָס זיי פעלט, וואָס צו בעטן, ווי אַזוי צו בעטן און באַ וועמען צו בעטן —

זאָל דער אויבערשטער אויך זיי העלפן אין אַלע ענינים וואָס זיי נויטיקן זיך בגשמיות וברוחניות,

ביז אַז זיי זאָלן אַלע אַרויסגיין פון דאָרטן, פון זייער מיצר לחירות,

און אַלע אידן צוזאַמען זאָלן אַרויסגיין פון דעם גלות לחירות אמיתי פון דער גאולה האמיתית והשלימה,

וואָס דאָס וועט זיין אויך בזכות נשים צדקניות פון דורנו זה^ח, ווי דאָס איז געווען באַ גאולת מצרים בזכות נשים צדקניות פון יענעם דור^ט, וואָס דורינו זה איז אַ גלגול פון יענעם דור^י, „כימי צאתך מארץ מצרים אראנו נפלאות"^יא, און אַ גלגול פון דור רשב"י^יב,

און גיין אין ארץ ישראל, און דאָרטן גופא — אין ירושלים, און דאָרטן גופא אין ביהמ"ק השלישי, „מקדש אד' כוננו ידיך"^יג,

און אין אַן אופן פון מיד^יד, אַז די עננים וועלן טראָגן די אידן לאה"ק כו' — ע"ד מחז"ל הידוע^טו, און משיח עצמו וועט אויך קומען „עם ענני שמיא"^טז,

241ה. [כ"ק אדמו"ר שליט"א נתן הבקבוק משקה להר"ר מ. מ. שיחי'.

ואמר:] מאַכן לייכטער פאַר דעם עולם — זאָל מען טיילן (נאָך דעם וואָס מ'וועט צוגעבן נאָך משקה, בכדי עס זאָל זיין פאַר אַלעמען) שפּעטער, נאָך שבת אָבער בהמשך צו דער התוועדות, וואָס זי קומט בהמשך צו דער התוועדות וואָס איז געווען מאחורי מסך הברזל.

ויה"ר אַז דאָס זאָל זיין אַ הכנה וקרובה צו דער התוועדות וואָס משיח וועט מאַכן ווען ער וועט קומען.

בשעת משיח וועט קומען וועט ער זיכער די ערשטע זאַך מאַכן אַ התוועדות דקהל גדול ישובו הנה^יז, אַ התוועדות פון דוד מלכא משיחא (וועלכער זאָגט — שמרה נפשי כי חסיד אני^יח, און — תהלתו בקהל חסידים גו' יעלזו חסידים^יט),

און פאַרבונדן מיט אַ שטורעם (איצט, ובעיקר — דאַמאָלס) אין הפצת המעינות חוצה^כ, — דורך יעלה הפורץ^כא לפנינו^כב

און מיט שמחה, למעלה ממדידה והגבלה, וואָס שמחה איז דאָך פורץ גדר^כג, ובפרט שמחת הגאולה^כד —