Igros Kodesh (the Rebbe)
Letter 797
צו אלע אנטיילנעמער אין דער יערליכער צוזאמענקונפט פון דער בראנזווילער ליידיס אקזילערי פאר די "בית רבקה סקולס" י"ג מרחשוון, ה' תשי"א
מיט צופרידנהייט און פארגניגן האב איך געהערט וועגן אייער טעטיקייט לטובת די "בית רבקה סקולס" בכלל און וועגן אייער פארזאמלען זיך איצט פאר דעם זעלבן צוועק בפרט.
דער באוו[או]סטזיין, אז די "בית רבקה" סקולס זיינען געגרינדעט געווארן דורך כ"ק מו"ח אדמו"ר זצוקללה"ה נבג"מ זי"ע הכ"מ, און אז מיט אייער פארזעצן אייער ארבעט צו גונסטן פון דעם מוסד האט איר א שותפות אין דעם רבי'נס הכ"מ ארבעט, מוז אייך געבן מוט און שטארקייט אנצוגיין מיט דער הייליקער ארבעט מיט דער גרעסטער ענערגי, און צוציען אלס מיטארבעטער אויך אייערע פריינד און באקאנטע.
און ווי דער רבי הכ"מ האט מערערע מאל געזאגט: דער אויבערשטער בלייבט ניט קיין בעל חוב, און דער זכות פון אייער אויב[נ]דערמאנטער ארבעט זאל געבן אייך מיט אייערע פאמיליעס שיחיו געזונט פרנסה און נחת, אידישן נחת פון קינדער שיחיו.
בברכת הצלחה בכל, און אין דער ארבעט בפרט,
Kehot Publication Society · commercial
Imported from igros-index · Kehot Publication Society · commercial · the copy kept on ChassidusHub
Suggest a fixSent for review
Report a problemNo account needed
Embed on another site
About this page
Details
- Volume
- Volume 4
- Id
- rh-dng474h6
Copies
Recent activity
No fix suggested or problem reported here yet.
Sources
- sichos-kodesh-unit