Letter 908
ב' אדר ראשון, ה'תשי"א ברוקלין
ב"ה, ב' אדר ראשון, ה'תשי"א ברוקלין
איך האב געהאט פארשידענע געריסן פון אייער פעטער... דורך אונזערע משולחים פון צייט צו צייט זייענדיק אין דער שווייץ, און דורך אייערע קרובים דא.
איך האב אויך געהאט די געלעגנהייט פערזענליך צו באקענען זיך מיט... און צו זען אויף ווי ווייט אזא כאראקטער ווי זיינער נויטיקט זיך אין פריינטשאפט און פריינטליכער אויפמערקזאמקייט.
ס'איז זיכער איבעריק אייך אויפמערקזאם צו מאכן דרויף, אדער צו באטענען די גרויסקייט פון דער זאך סיי פון שטאנדפונקט פון מענטשליכקייט, סיי פון שטאנדפונקט פון דער תורה. איך ערלויב מיר אבער צו אונטערשטרייכן די גרויסע מצוה וואס איר און אייער פרוי תי' וועלן האבן דורך געבן אייער פעטער... מער ווי געוויינליכע אויפמערקזאמקייט און פריינטשאפט.
לויט א ווארט פון כ"ק מו"ח אדמו"ר, אז דער אויבערשטער בלייבט קיינמאל ניט א בעל חוב, בין איך זיכער, אז דער אויבערשטער וועט אייך אפצאלן דורך אסך הצלחה און א גליקליכן לעבן און פיל נחת פון אייער זון שי'.
בברכת ברכה והצלחה אייך און אייערע ב"ב שי'.
Kehot Publication Society · commercial
Imported from igros-index · Kehot Publication Society · commercial · the copy kept on ChassidusHub
Suggest a fixSent for review
Report a problemNo account needed
Embed on another site
About this page
Details
- Volume
- Volume 4
- Id
- rh-z8ppxmag
Copies
Recent activity
No fix suggested or problem reported here yet.
Sources
- sichos-kodesh-unit