Letter 8787a
ח"י אדר, תשכ"ד · התלמידים... ישיבת ליובאוויטש, טורונטו
התלמידים... ישיבת ליובאוויטש, טורונטו
עס האט מיר געפרייט צו באקומען אייער בריוו, אין וועלכן איר שרייבט וועגן די פארשידענע סיומים וואס איר מאכט.
זיכער איז איבעריג מדגיש צו זיין פאר אייך, אז בא אידן איז [א] סיום מער ניט כדי אריבערצוגיין אויף א העכערע מדריגה, אזוי אז א סיום איז באמת א התחלה צו דערגרייכן ווייטער און העכער.
השם יתברך זאל אייך מצליח זיין איר זאלט לערנען בהתמדה ושקידה לימוד המביא לידי מעשה - קיום המצוות בהידור, און איר זאלט זיין א קוואל פון אמת-אידישע און חסידישע נחת פאר אייערע עלטערן און לערערס, דאס איז אייגנלטעך בא אייך אין די הענט, ווי חכמינו ז"ל האבן געזאגט יגעת ומצאת: מען דארף נאר וועלן.
איך האף אז איר האט געהאט א גוטן און פריילעכן פורים און האט מקיים געווען אלע ענינים פון פורים. בפרט אז אידישע קינדער האבן געהאט גאר א גרויסן חלק אין דעם נס פון פורים, ווי חכמינו ז"ל דערציילן, אז ווען מרדכי האו צוזאמענגעקליבן טויזנטער אידישע קינדער און האט מיט זיי געלערנט תורה ביז מסירות נפש - דאן איז בטל געווארן די גזירה, וליהודים היתה אורה ושמחה וששון ויקר.
דער אויבערשטער זאל העלפן, אז בא אייך בתוך כלל ישראל זאל מקויים ווערן "כן תהי' לנו".
Imported from igros-index · Kehot Publication Society · commercial · the copy kept on ChassidusHub
Suggest a fixSent for review
Report a problemNo account needed
Embed on another site
About this page
Details
- Volume
- Volume 23
- Id
- rh-6jfaz6ss
Copies
Recent activity
No fix suggested or problem reported here yet.
Sources
- sichos-kodesh-unit