הוספות - שיחות ומכתבים יח

545לשון הברכה שאמר כ"ק אדמו"ר שליט"א

אחרי קבלת הפ"נ הכללי, ערב ראש השנה, ה'תשמ"ב.

זאָל דער אויבערשטער בענטשן און מצליח זיין יעדערן (פון די מברכים) בתוך כלל ישראל, בברכתו של הקב"ה, וואָס כל המברך איז דער אויבערשטער מבטיח ואברכה מברכיך^א, ובברכתו — וואָס תוספתו מרובה על העיקר^ב,

סיי בגשמיות סיי ברוחניות, סיי אין ענינים הכללים, סיי אין ענינים הפרטיים, אין בני חיי ומזוני רויחי,

הצלחה רבה ומופלגה אין הפצת המעינות חוצה, וואָס דאָס איז דאָך אַן ענין שהזמן גרמא^ג, ובתוככי הפצת כללות היהדות חוצה,

בתוככי כלל ישראל,

און טאָן די אַלע ענינים מתוך שמחה וטוב לבב, מתוך בריאות הנכונה, ופרנסה בדרוש,

און גיין מחיל אל חיל בכל עניני תורה ומצוותי', הלוך והוסיף ואור,

און גרייטן זיך בקרוב ממש לקבל פני משיח צדקנו.

וואָס די אַלע ענינים ווערן אויך נכלל אין דעם לשון הכללי פון תורתנו הקדושה^ד — כתיבה וחתימה טובה, לשנה טובה ומתוקה, בטוב הנראה והנגלה, לכל אחד ואחת בתוך כלל ישראל.

546לשון הברכה שאמר כ"ק אדמו"ר שליט"א

אחרי קבלת הפ"נ הכללי, ערב ראש השנה, ה'תשמ"ג.

זאָל דער אויבערשטער ממלא זיין משאלות כל אחד ואחת בתוך כלל ישראל בכל הפרטים ופרטי פרטים בטוב הנראה והנגלה למטה מעשרה טפחים.

וואָס דאָס אַלץ ווערט נכלל אין ברכת כתיבה וחתימה טובה לשנה טובה ומתוקה בטוב הנראה והנגלה, להיכתב ולהחתם לאלתר^א לחיים בספרן של צדיקים גמורין^ב,

און אויך ממלא זיין די אַלע ענינים וועגן וועלכע עס איז געשריבן אין דעם פדיון מיט די אַלע חתימות, מיט אַלע פרטים „שבין השיטין",

און ס'זאָל זיין (כאמור) אַ כתיבה וחתימה טובה אין ענינים הכלליים, אַ כתיבה וחתימה טובה אין ענינים הפרטיים,

אַ „שנת גאולת משיח"^ג, גאולה ע"י משיח צדקנו, און גלייך בתחלת השנה, „מרשית השנה"^ד,

אין אַן אופן פון שלימות העם און שלימות התורה און שלימות הארץ הקדושה,

און מתוך שמחה וטוב לבב ובקרוב ממש — מקבל זיין פני משיח צדקנו במהרה בימינו ממש. אמן, כן יהי רצון.

547לשון הברכה שאמר כ"ק אדמו"ר שליט"א

אחרי קבלת הפ"נ הכללי, ערב ראש השנה, ה'תשד"מ^א.

[כ"ק אדמו"ר שליט"א התחיל לקרוא הפ"נ הכללי, ואמר: ס'איז דאָך נעוץ תחלתן בסופן וסופן בתחלתן^ב — עד"ז אין דעם פדיון (כללי) איז אַלץ נכלל וניתן בתחלתו און מ'וועט ניט אויפהאַלטן דעם ציבור אויף לייענען דעם פדיון איצטער].

דער אויבערשטער זאָל ממלא זיין משאלות לבב כל אחד ואחת בתוך כלל ישראל בכל הענינים, סיי די גשמיות'דיקע סיי די רוחניות'דיקע,

וואָס אין דעם איז דאָך אַלץ נכלל, בלשון התורה — אין דער כתיבה וחתימה טובה לשנה טובה ומתוקה בטוב הנראה והנגלה למטה מעשרה טפחים^ג,

ובפרט אַז די אַלע ענינים וועלכע עס זיינען געשריבן אין דעם פדיון און וועלכע זיינען געשריבן אין די פרטיות'דיקע פדיונות, ובכל מקום שהם — זאָל דער אויבערשטער דאָס אַלץ ממלא זיין מידו המלאה הפתוחה הקדושה והרחבה^ד.

ובפרט אַז דער קומענדער יאָר איז אַ „שנה תמימה", אַ שנה מיט אַ חודש העיבור^ה — זאָל באַ יעדערן זיין „תמים תהי' עם ה' אלקיך"^ו, און ווי ער איז מפרש אין לקו"ת^ז — אַז עס קומט אויך אַראָפּ אין תמימות אין די רמ"ח אברים^ח ושס"ה גידים^ט, און — כל האברים והגידים בנוגע צו נשי ובנות ישראל^י.

און עס זאָלן זיין די אַלע ברכות^יא, אָנהויבנדיק פון שנת אורה, שנת ברכה, שנת גאולה, ביז שנת תהלה, שנת תורה, שנת תפלה און שנת תשובה,

548ביז צו דער ברכה העיקרית והפנימית — די גאולה האמיתית והשלימה ע"י משיח צדקנו בקרוב ממש, „וארו עם ענני שמיא"^יב, אַלע צוזאַמען — „בנערינו ובזקנינו גו' בבנינו ובבנותנו"^יג — שלימות העם, צוזאַמען מיט שלימות התורה ומצוותי', צוזאַמען מיט שלימות ארצנו הקדושה, „ארץ אשר גו' תמיד עיני ה' אלקיך בה מרשית השנה ועד אחרית שנה"^יד.

און וויבאַלד אַז בשנה זו גייט מען אַריין פון ראש השנה גלייך אין שבת קודש, וואָס דעמולט (שבת) איז „כל מלאכתך עשוי'"^טו, און דער אויבערשטער גיט דעמולט פון מחשבה^טז ווי דאָס קומט אַראָפּ אין דיבור און אין מעשה, בכל הפירושים שבדבר —

זאָל שוין זיין דער „טועמי' חיים זכו"^יז דערפון נאָך אין ערב ראש השנה (בדוגמת ווי ערב שבת) וראש השנה וואָס בשנה זו איז דאָס (אויך^יח) ערב שבת, און דערנאָך זאָל עס נמשך ווערן פון ראש השנה און שבת דמיני' מתברכין (ומתקדשין^יט) כולהו יומין^כ — בכל הימים הבאים לאחרי זה,

און נאָך אין די לעצטע טעג פון גלות „לכל בני ישראל הי' אור במושבותם"^כא,

און דערנאָך גיין צוזאַמען מיט משיח צדקנו און צוזאַמען מיט שכינתא^כב, לארצנו הקדושה, און דאָרט — אין ירושלים „קרית מלך רב"^כג, און דאָרט להר הבית און אין „מקדש אד' כוננו ידיך"^כד,

ובמהרה בימינו ממש, „ושמחת עולם על ראשם"^כה.

עס זאָל זיין ווי דער כללות'דיקער נוסח המקובל והקבוע במנהג ישראל — אַז באַ יעדערען און יעדערע זאָל זיין אַ כתיבה וחתימה טובה לשנה טובה ומתוקה, אמן כן יהי רצון.

549נוסח המברק ששלח כ"ק אדמו"ר שליט"א

לאנ"ש שי' בכל מרחבי תבל

לקראת ר"ה ה'תשמ"ב

לשנה טובה תכתבו ותחתמו.

מקום החתימה

נוסח המברק ששלח כ"ק אדמו"ר שליט"א

לאנ"ש שי' בכל מרחבי תבל

לקראת ר"ה ה'תשד"מ

לשנה טובה תכתבו ותחתמו שבתא טבא ויומא טבא

מקום החתימה