Letter 6092
ה' אדר, תשי"ח · ה' עליהן תחיינה
נשי ובנות חב"ד סניף ברידזשפארט,
איך בין געווען צופרידען צו באקומען דעם בריף וועגן דער גרינדונג פון אייער ברענטש נשי ובנות חב"ד, און זיכער וועט די ארבעט פון די אנדערע אפטיילונגען ווייזען אייך די וועג ווי צו פראגרעסירען אויך אין אייער ארבעט, און השם יתברך זאל העלפען עס זאל זיין מיט פיל הצלחה אין אלע הינזיכטען, און דער עיקר אויף צו אויסברייטערען די ארבעט אין אלץ גרעסערע און ברייטערע קרייזען פון אידישע נשי ובנות פון ברידזשפארט. און ווי באוואוסט דער ווארט פון רבנו הזקן, אז חסידות (חב"ד) איז א ענין ניט נאר פאר א געוויסען טייל פון אידען, נאר דאס איז דער אייגענטום פון אלע אידען.
און אזוי ווי מיר זיינען אריינגעקומען אין דעם חדש אדר, אין וועלכען עס איז דער נס פון פורים, אין וועלכעס אסתר המלכה אלס אידעשע טאכטער האט בייגעטראגען מיט איר מסירות נפש צו דעם פערפאלקאמען פון דעם נס פורים אזוי זאלען אויך די אידישע טעכטער פון היינט, אנערקענען אין דער פולסטער מאס זייערע מעגליכקייטען און פאראנטווארטליכקייט, וואס דאס וועט זיכער בריינגען אויך צום פארשטארקען און פארגרעסערן די ארבעט פון נשי ובנות חב"ד אין אלע הינזיכטען.
בייגעלייגט איז דא א קאפיע פון לעצטן מכתב כללי צו די סניפים פון נשי ובנות חב"ד.
Imported from igros-index · Kehot Publication Society · commercial · the copy kept on ChassidusHub
Suggest a fixSent for review
Report a problemNo account needed
Embed on another site
About this page
Details
- Volume
- Volume 16
- Id
- rh-2h12jde6
Copies
Recent activity
No fix suggested or problem reported here yet.
Sources
- sichos-kodesh-unit