Letter 4198
ג' ניסן, תשט"ז · ברוקלין.
...ב) אויף אייער פראגע, צי זאלט איר דאוונען איבערגעדעקט די קאפ מיטן טלית, וויבאלד אין אייער שול, איז ניט איינגעפירט אזוי, וועט זיך במילא ווארפען דאס אין אויגען - איז לויט מיין מיינונג, צופיל באטאנען דאס דארפמען ניט, אבער וויבאלד אז איר זייט דער בעל קריאה, און אויך דער פון וועלכען מען הערט דברי התעוררות, וכו', וועט בא זיי זיין פארשטענדליך, פארוואס איר דאווענט אזוי מיטן טלית איבערגעדעקט; חאטש זיי זיינען נאך ניט צוגעקומען צו דעם; און אפשר וועלען אויך אנדערע נאכטאן אייער ביישפיל.
ג) אין אייער פראגע, פארוואס צווישען די קינדער פון פב"פ, איז געבליבען לעבען, גראדע דער ווייניגער ירא שמים, און די יראי שמים זיינען אומגעקומען על קדוש השם. - בכלל אויף אזעלכע שאלות, שטייט געשריבן, בהדי כבשי דרחמנא למה לך, און איינע פון די ערקלערונגען וועלכע זיינען פאראן אין ספרים אויף ענליכע פאלען, איז, אז די נשמה דארף נאך תשובה טאן אויף געוויסע ניט איינגענאמע זאכען, אדער צו איר גורל איז צוגעטיילט געווארען צו אפטאן א טובה צו פלוני אדער לפב"פ, און דעריבער האלט מען זי אין גוף בזכות פב"פ אויב אפילו ניט בזכות עצמו, און חאטש די נשמה האט נאך ניט תשובה געטאן ביז איצטער, איז דענסטמאל איז דאס כמאמר רז"ל מאריך אף וגבי דילי' אבער בתקוה אז לא ידח ממנו נדח וישוב בתשובה ושב ורפא לו.
ולקראת חג הפסח הבא עלינו ועל כל ישראל לטובה ולברכה, הנה יחוג אותו עם כל ב"ב שיחיו בכשרות ובשמחה.
Imported from igros-index · Kehot Publication Society · commercial · the copy kept on ChassidusHub
Suggest a fixSent for review
Report a problemNo account needed
Embed on another site
About this page
Details
- Volume
- Volume 12
- Id
- rh-2j691p5z
Copies
Recent activity
No fix suggested or problem reported here yet.
Sources
- sichos-kodesh-unit