375

בס"ד. ברכת כ"ק אדמו"ר שליט"א ערב יום הכפורים

בביהכנ"ס אחרי תפלת מנחה, ה'תנש"א

א. אַ גאַנץ יאָר האָט מען דעם כלל אַז "פותחין בברכה"^א, עאכו"כ אין די "עשרה ימים שבין ראש השנה ליום הכפורים"^ב [וועלכער "נקרא ג"כ ראש השנה בכתוב"^ג] — וועלכע זיינען די פתיחה וראש (אויך) פון די ברכות אויף כל השנה כולה^ד. און אין די טעג גופא — בפרט אין דעם טאָג פון ערב יום הכפורים.

צווישן אַלע ברכות — איז אַממייסטנ'ס צוגעפּאַסט (צו אָנהויבן דער "פותחין בברכה" מיט) דער נוסח הברכה פון ברכת כהנים^ה, די ברכה וועלכע דער אויבערשטער האָט אים אַליין אויסגעקליבן בתורתו הקדושה^ו, און האָט אָנגעזאָגט און געגעבן כח די כהנים, אַז מיט דער ברכה זאָלן זיי בענטשן אידן ("כה תברכו את בני ישראל") בכל יום^ז

— ווי מ'פירט זיך בפועל אין ארץ ישראל (עכ"פ בכמה מקומות) — נשיאת כפים בכל יום^ח, אָדער עכ"פ בכל שבת [ווי עס פירט זיך בכמה ספרד'ישע קהילות אויך בחוץ לארץ], און בכל הקהילות, אויך אין חוץ לארץ — וואו מ'איז נושא כפים נאָר ביו"ט^ט — זאָגט יעדער איד דעם נוסח פון ברכת כהנים בכל יום בברכות

The Lubavitch Library · chabadlibrary.org