Letter 4697
ז' אלול, תשט"ז · מרת מערי תחי'
אין ענטפער אויף אייער בריף פון /2;8amp&, און זיכער האט איר שוין באקומען מיין ענטפער אויף אייער פריערדיקען בריף, און טיילווייז איז דארט אויך א ענטפער אויף דער פראגע וועלכע איר בארירט אין דעם בריף אייערען.
דעם אופן ווי אזוי דרוקען דאס, לויט מיין מיינונג איז דער הויפט וויכטיג, אז דאס זאל אפגעדרוקט ווערען און ניט בלייבען אין מאנוסקריפט, און דעריבער - אויב עס איז דא האפענונג אז מען זאל קענען אפדרוקען דעם גאנצען ספר אין א נייער אויפלאגע מיט די אלע ענדערונגען און ראנד באמערקונגען, איז געוויס גוט, אבער אויב צוליב די אויסגאבען פארבונדען מיט דעם אדער אנדערע סיבות, איז ניט מעגליך אדער עס וועט נעמען א אומבאשטימטע צייט, איז כדאי צו טראכטען ניט וועגען איבערדרוקען אין גאנצען, נאר דאס נייע צוגעקומענע, און פאררופען זיך - אין דעם באשטימטען ארט - אויף דעם און דעם בלאט פון דער פריערדיקער אויסגאבע פון ספר הרקמה, וואס דאס וועט פאדערען פיל ווייניגער הוצאות און עס איז פיל גרינגער צו פארווירקליכען.
ווארום זא ווי זא איז דער ספר הרקמה ניט קיין ספר פאר יעדערען, און איז נאר פאר ספעציאליסטען, און דעריבער איז נאר א קליינער חשש (פארדאכט) אז צוליב דער קליינער באמיהונג צו דארפען אריינקוקען אין א סעפעראטען ספר וועט דאס אפשרעקין דאס באנוצען זיך...
מיט א וואונש אז איר זאלט קענען רעאליזירן אייער וואונש אן שוועריקייטען און אויפן בעסטען אופן ולכתיבה וחתימה טובה.
מרת מערי: ווילנסקי, סינסינטי. אגרות נוספות אליה - לעיל ד'שדמ, ובהנסמן בהערות שם.
Imported from igros-index · Kehot Publication Society · commercial · the copy kept on ChassidusHub
Suggest a fixSent for review
Report a problemNo account needed
Embed on another site
About this page
Details
- Volume
- Volume 13
- Id
- rh-9h4qm1jc
Copies
Recent activity
No fix suggested or problem reported here yet.
Sources
- sichos-kodesh-unit