Letter 1681
ג' תמוז, תשי"ב · הוו"ח אי"א נו"נ וכו' מוה"ר נתן נטע שי'
הוו"ח אי"א נו"נ וכו' מוה"ר נתן נטע שי'
עס האט מיך געפרייט צו באקומען א גרוס פון אייך דורך הרה"ח הוו"ח אי"א נו"נ עוסק בצ"צ באמונה מוה"ר מנחם שמואל דוד שי' לוי רייטשיק שד"ר, אויך האט ער מיר איבערגעגעבען אייער פ"נ, און לויט אייער בקשה, האב איך אייך מזכיר געווען, בעת רצון, אויף דעם ציון פון מיין שווער כ"ק אדמו"ר זצוקללה"ה נבג"מ זי"ע.
איך בין געווען צופרידען צו דערוויסען זיך אז זיינער צייט האט איר געלערנט אין תומכי תמימים אין פולין, און זיכער וועלען די כחות וואס נשיאנו הקדושים האבען אריינגעלייגט און די תלמידים בכלל און אין תלמידי תומכי תמימים בפרט, ניט גיין לאיבוד, ח"ו, איז דאך מער ניט וואס עס דארף זיין, ווי כ"ק מו"ח אדמו"ר פלעגט זאגען: א חסיד איז א קלוגער, ער לייגט ניט אפ אויף מארגען, וואס ער קען אויפטאן היינט, וביחוד א שמש אין א שול, קען גאר א סך אויפטאן היינט, אין זיין שול, און אונבארמערקטערהייט נאך מער וי בגלוי און מיט שטורעם, און השי"ת בלייבט ניט קיין בעל חוב און איז משלם בתוספת מרובה על העיקר, בנחת יהודי וחסידותי, מבנים און פון זיך אליין אויך.
בברכה לבריאות הנכונה בגשמיות וברוחניות.
Kehot Publication Society · commercial
Imported from igros-index · Kehot Publication Society · commercial · the copy kept on ChassidusHub
Suggest a fixSent for review
Report a problemNo account needed
Embed on another site
About this page
Details
- Volume
- Volume 6
- Id
- rh-br7cns2p
Copies
Recent activity
No fix suggested or problem reported here yet.
Sources
- sichos-kodesh-unit