Igros Kodesh (the Rebbe)
Letter 6389
צו די באטייליגטע אין דער אויפהאלטונג פון
למקצוע וסמינר לבנות בכפר חב"ד באה"ק
מיט פארגעניגען האב איך באקומען דורך הרבנית מרת שיינא תחי' דזשייקאבסאן, די ערשטע רשימה פון באטייליגטע אין דער אונטערשטיצונג פארשטארקונג און פארברייטערונג פון די העכסט וויכטיגע בתי ספר למקצוע וסמינר פאר אידישע טעכטער בכחב"ד בארצנו הק' ת"ו, געגרינדעט דורך כ"ק מו"ח אדמו"ר זצוקללה"ה נבג"מ זי"ע און אנגעפירט לויט זיין גייסט.
און זייענדיג און זיין יום הגאולה, וועלכעס איז אויך אונזער גאולה, י"ב תמוז, אויף זיין ציון הק', האב איך מזכיר געווען די אלע וועלכע זיינען אין דער רשימה פון די באטייליגטע, יעדערע צו דעם וואס זי נויטיגט זיך.
און השם יתברך זאל העלפען אז פון דעם סגולה טאג און גוטען מזל, זאל אראפקומען אין אלע טעג פון א גאנץ יאהר, צו יעדע איינע פון אייך מיט די בני בית, און אויך צו די וועלכע וועלען איינטייל נעמען אין דער ארבעט, סיי מיט געלט שטיצע אדער גוטען איינפלוס אויף אנדערע, פיל ברכה והצלחה סיי בגשמיות און סיי ברוחניות.
וואס דורך דעם, וועט געוויס יעדע פון אייך און אויך די צוקומענדע, נאך מער צוגעבען אין דער העכסט וויכטיגער ארבעט אין א אלץ שטייגענדען מאס, און רבותנו ז"ל האבען אונז מבטיח געווען, אז א צוגאב אין ענינים פון מצות און בפרט אין צדקה, בריינגט א צוגאב פון השי"ת אין זיין ברכה והצלחה.
Kehot Publication Society · commercial
Imported from igros-index · Kehot Publication Society · commercial · the copy kept on ChassidusHub
Suggest a fixSent for review
Report a problemNo account needed
Embed on another site
About this page
Details
- Volume
- Volume 17
- Id
- rh-zbns4fdd
Copies
Recent activity
No fix suggested or problem reported here yet.
Sources
- sichos-kodesh-unit