עברית
Library

פורים תש"ח בסעודה

187

האור פון בעש"ט, דער בעש"ט האָט אין אים ממשיך געווען פנימיות האור פון נשמת הרשב"י.

חסידות איז חג"ת, הגם חסידות איז חב"ד, אָבער דער עיקר איז חג"תג.

עס איז פאַראַן קאָפּ און האַרץ, הש­כלה און עבודה, פאַרשטאַנד און געפיל, לערנען און דאַוונען; עס דאַרף אַראָפּ קומען די השכלה אין עבודה. דער לערנען איז צוליב דעם דאַוונען, דער דאַוונען איז צוליב דעם נאָך דעם דאַוונען — אין כל היום; און דער דאַוונען דאַרף מאַכען אַ חלל אין די אבנים וואָס פאַרשטיינען די האַרץד, און דאָס מאַכט אַ חלון עס זאָל אַריינלייכטן אור און ניט אַריינלאָזן די שלעכטע ווינטן.

דער אור אלקי איז פועל אַ המשכת החיות און צחצוח הכלי, צחצוח הכלי מיינט, ניט זיין קיין פרא אדם; ער רעדט זיך איין אַז ער איז עפּעס, אויב ער טוט אַ אידן אַ טובה פּאַטשט ער זיך אין בייכעל. המשכת החיות איז אָפּמינטערן, דורך דעם וואָס מען טוט פאַר עבודת התפלה.

חסידים זיינען דאָך קלוגע: ניט מעלים דעם טוב, און ער ווייסט דעם לא טוב, ער זאָגט אשמנו בגדנו. מ'זאָגט דאָך אַלע אשמנו בגדנו, אָבער דער חסידישער אשמנו — ניט סתם זאָגען די ווערטער אשמנו, נאָר דער אַריינדרינגען: וויסען וואָס איז אשמנו, וואָס איז בגדנו.

דער עיקר איז מען דאַרף דאַוונען.

הערן — דאַרף מען נעמען אַ סאַך משקה, דערהערן — גאָר אַ סאַך משקה. און בפרטי פרטיות דאַרף מען דורכלעבן דעם עניןה.

ב. (ר' מיכאל דוואָרקיןו אמר לחיים, ואמר שהשי"ת יעזור עס זאָל ווערן שלום אויף דער וועלט — ומה בקשתך — עד חצי המלכות! ואמר עוד כמה מלים — לשון של בקשה בנוגע המצבז, וע"ז אמר כ"ק שליט"א:) אין פּאַראַדקעס דאַרף מען זיך ניט מישן. דער אויבערשטער זאָל העלפן, אַז די כוונה פנימית זאָל אויסגעפירט ווערען בחסד וברחמים.

ג. אַמאָל האָט מען ווינציגער געטאָן*7, און מער אויפגעטאָן, און מען איז געווען פאַרבונדן מיט פנימיות העצם; היינט — איז גאָרניט! מען טוט גאָרניט! ער רעדט זיך איין אַז ער איז אַ משכיל, ער איז אַ עובד — עס איז פאַראַן אַ געבאָרענער משכיל, אַ געבאָרענער עובד: בשעת דער מוהל איז מתקן וואָס מען דאַרף, און זאָגט "זה הקטן גדול יהי'" — מיט דעם איז ער אַ חסיד! עס איז ניטאָ דעם פאַרן דאַוונען, ניטאָ קיין דאַוונען, און עס איז ניטאָ נאָכן דאַוונען. זיי האָבן גאָרניט אָנגעפאַנגען טאָן. יונגעלייט, ובפרט תלמידי התמימים טוען ניט אין עבודת התפלה, צייטן­ווייז ברענגט דאָס אַ גיעול נפשח.

The Lubavitch Library · chabadlibrary.org

Imported from chabadlibrary · ספריית ליובאוויטש · free-to-read · at the source

Suggest a fixSent for review
The change shows once the set's keepers approve it. Every version is kept in the history.
Report a problemNo account needed
What is wrong?
What is wrong?
Reports are public on the site (without your name), except those about rights or offensive content. Leave out personal details. Or open a full issue, with a title and @mentions
Embed on another site
About this page

Details

Id
rh-dvdqgq4d

Copies

Recent activity

No fix suggested or problem reported here yet.

Sources