אגרת תתי
כ"ח מרחשוון, ה'תשי"א ברוקלין · מרת חנה תחי'
ב"ה, כ"ח מרחשוון, ה'תשי"א ברוקלין
עס האט מיר געפרייט צו באקומען אייער בריוו פון מוצש"ק פ' לך מיט די בייגעלייגטע פאטאס פון אייערע צוויי קינדער יחיו איר זאלט זוכה זיין מיט אייער מאן צו האדעווען זיי לתורה לחופה ולמעשים טובים.
באזונדער פארגעניגן האט מיר פארשאפט אייער שרייבן אז איר זייט דערוויילט געווארן פרעזידענטין פון דער ארגאניזאציע פאר טהרת המשפחה, און אז די ארבעט האלט אין וואקסן.
דער רבי כ"ק מו"ח אדמו"ר הכ"מ האט אמאל געזאגט, אז א גוטער מלמד איז דער וואס לערנט אויס א תלמיד אז סוף כל סוף זאל ער קענען לערנען אליין און ניט דארפן אנקומען צום מלמד. די זעלבע זאך איז אין געזעלשאפטליכע ארבעט: דער גוטער געזעלשאפטליכער ארבעטער איז דער וואס זיין ארבעט בריינגט אריין לעבעדיקייט אז די מעמבערס פון דער ארגאניזאציע אליין זאלן האבן חשק צו ארבעטן, און ניט דארפן אנקומען יעדן מאל צו די התעוררות מצד דעם פרעזידענט פון דער ארגאניזאציע אדער אנדערע אפיסערס...
יובא מ: igros-index · Kehot Publication Society · commercial · העותק השמור ב־ChassidusHub
הצעת תיקוןנשלח לבדיקה
דיווח על בעיהבלי חשבון
הטמעה באתר אחר
על הדף
פרטים
- חיבור
- אגרות קודש
- כרך
- חלק ד
- מזהה
- rh-3jvs8m7g
עותקים
פעילות אחרונה
עוד לא הוצע כאן תיקון ולא דווחה בעיה.
מקורות
- sichos-kodesh-unit