Letter 5425
ד' אייר, תשי"ז · הוו"ח אי"א נו"נ עוסק בצ"צ מו"ה רא"ש שי'
הוו"ח אי"א נו"נ עוסק בצ"צ מו"ה רא"ש שי'
נאך א איבעררייס, בין איך געווען צופרידען צו באקומען אייער בריף פון נאך פסח, און בין בפרט צופרידען צו לייענען אין עם אז איר האט זיך באטייליגט אין דעם כינוס אין כפר חב"ד און האט געהאט א ענג רוחני. און השי"ת זאל העלפען אז אויך אין דעם כנוס זאל מקוים ווערען די כוונה פון יעדער כינוס און התועדות, די השפעה אין אלץ מערערע און אויסברייטענדע קרייזען בריינגען צו זיי די מעינות פון תורת החסידות הדרכותי' ומנהגי' און אין א אופן אז די הערער און די באטייליגטע זאלען ווערען טופח על מנת להטפיח אויף די אלע מיט וועמען זיי קומען אין בארירונג, ואין לך דבר העומד בפני הרצון.
און בפרט געפינענדיג זיך אין די טעג פון ספירה, וואס פון טאג צו טאג קומט צו מער ליכטיקייט און אזא ליכטיקייט וועלכעס איז פארבונדען מיט קבלת התורה בשמחה ובפנימיות, וואס דאס איז דאך די ערקלערונג וואס אין דעם נוסח הספירה זאגט מען שני ימים לעומר און ניט יום שני, ווייל דער נעכטיקער אור איז ניט אפגעטראטען ער איז אויך היינט פראן מיט א צוגאב פון היינטיקען אור הספירה, און אזוי קומט צו פון טאג צו טאג ביז מען דערהערט דעם ג-טליכען רוף, אנכי ה' אלקיך פון ד' רוחות מלמעלה ולמטה, ווי דערציילט אין מדרש.
Kehot Publication Society · commercial
Imported from igros-index · Kehot Publication Society · commercial · the copy kept on ChassidusHub
Suggest a fixSent for review
Report a problemNo account needed
Embed on another site
About this page
Details
- Volume
- Volume 15
- Id
- rh-qqyrawwt
Copies
Recent activity
No fix suggested or problem reported here yet.
Sources
- sichos-kodesh-unit