אגרת ב'תתנט
י"ז מנ"א, ה'תשי"ד · ברוקלין, נ.י.
איך האב באקומען אייערע צוויי בריוו פון י"ח תמוז און ד' מנ"א, אין וועלכע איר פרעגט מיין מיינונג וועגן בייטן אייער צנור הפרנסה.
ארבעטנדיק די גאנצע יארן אין דער ישיבה הק' תומכי תמימים און זעענדיק אז דאס האט אייך געבראכט הצלחה אין אייערע ענינים, דארף מען דעם צנור וכלי ח"ו ניט אפלאזן. דערפאר קומט בא מיר אויס אז איר דארפט בלייבן במשרתו בקדש, ואדרבה אויב מעגלעך מוסיף זיין אין דער ארבעט, און מען דארף האפן, אז די ישיבה וועט זיך פארגרעסערן, אויף וואס מען דארף זיך אויך משתדל זיין און דאס וועט מסתם אויך ברענגען א הוספה אין שכירות און פרנסה.
זעלבסטפארשטענדלעך, אז אויב עס קען זיין אן ענין נוסף אין פרנסה אויף אן אופן וואס זאל ניט שטערן אויף א האר אין אייער מלאכת הקדש, מאכט ניט אויס, אבער אך ורק מיט דעם תנאי.
והשי"ת ימלא הריון זוגתו תחי' ותמלא ימי' כשורה ותלד זרעא חייא וקיימא.
Kehot Publication Society · commercial
יובא מ: igros-index · Kehot Publication Society · commercial · העותק השמור ב־ChassidusHub
הצעת תיקוןנשלח לבדיקה
דיווח על בעיהבלי חשבון
הטמעה באתר אחר
על הדף
פרטים
- חיבור
- אגרות קודש
- כרך
- חלק ט
- מזהה
- rh-y0vbaw5c
עותקים
פעילות אחרונה
עוד לא הוצע כאן תיקון ולא דווחה בעיה.
מקורות
- sichos-kodesh-unit